Մոդելային՝ «Թոփ–մոդել ուկրաինական ձևով» շոուի հաղթող է ճանաչվել Սամվել Թումանյանը։ Նա մոդելային իր աշխատանքի մասին կիսվել է շոուի ավարտից հետո։
Ինչպես պատմել է Սամվելը՝ այժմ նա պայմանագիր ունի Չինաստանի հետ, ուր մեկնելու է երեք ամսով։
Ինչպես հաղորդում է Armenia.IM–ը, մի քանի գործակալություններ նրան պայմանագրեր են առաջարկել Իտալիայում և Հնդկաստանում, սակայն Թումանյանը մերժել է դրանք։
Հարցը բնակարանի վարձի, ապրուստի, գրպանի ծախսերի գումարի մեջ է, որը, ինչպես պարզվել է, հիմնականում չի վճարվում։ Այդ պատճառով էլ, նման ֆինանսական նկատառումներից ելնելով, Չինաստանը ինձ համար այս պահին ամենաընդունելին է։ Սա իմ ելակետը կլինի,– ասում է տղան։
Սամվելը գտնում է, որ շոուի նոր սեզոնին հետաքրքրությունը դրա հանդեպ կարող է պակասել։
«Հիմա իմ վիճակը շատ երկակի է։ Մի կողմից ես հայտնիություն ձեռք բերեցի, ինձ հետ ուզում են լուսանկարվել, շփվել, հանդիպել.. Սակայն ես հասկանում եմ, որ դա այնքան ժամանակ է, քանի դեռ ես մեդիա–դեմք եմ։ Կանցնի մի տարի, նոր խաղաշրջան կլինի, նոր հաղթող, և տրամաբանական է, որ իմ նկատմամբ հետաքրքրությունը կանցնի։ Ես իհարկե հասկանում եմ, որ ես առաջին հաղթող տղան եմ, բայց միևնույնն է… ես առանձնապես չեմ արձագանքում այդ բարձր հետաքրքրվածությանը»– ասում է Թումանյանը։
Այժմ նա փորձում է կենտրոնանալ աշխատանքի վրա, զբաղվում է ցանցերով և իր Youtube-ալիքով։
«Սա շատ ժամանակատար է, քանի որ ես ամեն դեպքում աշխատում եմ հաղորդակցվել իմ հանդիսատեսի հետ»,– ավելացնում է մոդելային նախագծի հաղթողը։