National Geographic պարբերականն անվանել է աշխարհի տարբեր անկյուններում գտնվող 21 արտասովոր վայրերը, որտեղ 2018 թվականին կարող են այցելել նրանք, ովքեր նոր տպավորություններ են փնտրում։
Առաջին տեղում է եթովպական Հարար քաղաքը։ Իր ընտրությունը պարբերականը բացատրել է քաղաքում զբոսաշրջիկների փոքր թվով, 82 մզկիթների առկայությամբ, Եթովպիայի լավագույն գարեջրով, ինչպես նաև բարձրորակ սուրճով։
Ցուցակում հաջորդը Ժուժույն է՝ նահանգ Արգենտինայի հյուսիսարևմտյան մասում։ Պարբերականը խորհուրդ է տալիս այնտեղ գնալ՝ զարդարելու սոցցանցերը Cerro de los Siete Colores լեռան լուսանկարներով (7 գույն ունեցող բլուր)։
Երրորդ տեղում Թբիլիսին է։ Այնտեղ կարելի է այցելել ծծմբի վաննաների, խինկալիի և տեղի բնակիչների լեգենդար հյուրընկալության համար։
Պարբերականը խորհուրդ է տալիս այցելել նաև Սիդնեյ, Օահակա (Մեքսիկա), Վիեննա, Հավայի, Մալմյո (Շվեդիա), Մադագասկար, Տանզանիայի Ռուահու ազգային պարկ և այլն։
