Նոր զեկույցի համաձայն՝ ԱՄՆ–ում, 2017 թվականին կայծակի հարվածից մահացու դեպքերի քանակը ռեկորդային նվազագույնի է հասել։ Այս մասին հաղորդում է Fox News-ը։
Ազգային օթերևութաբանական ծառայության տվյալների համաձայն` 2017 թվականին տեղի է ունեցել կայծակի հետ կապված 16 մահացու դեպք, որը ավելի քիչ է վերջին նվազագույն արդյունքից՝ 23 դեպք 2013 թվականին։
Պահպանվել են 1940-ական թվականների տեսագրությունները, որտեղ երևում է, թե ինչպես են ֆերմերները զոհվում կայծակի հարվածից։ Այն ժամանակ կայծակի հարվածից տարեկան 200-400 մարդ էր զոհվում։
2017 թվականին զոհվածների կեսը հանգստի վիճակում են եղել՝ զբոսնել են ծովափին, ձիավարությամբ են զբաղվել, ձկնորսությամբ, նավակ են վարել, գոլֆ են խաղացել այն պահին, երբ կայծակը հարվածել է նրանց։ Հուլիսը այս առումով ամենամահաբեր ամիսն է եղել՝ ութ զոհերով, սրան հաջորդել է օգոստոսը՝ երեք զոհերով։
