ԱՄՆ-ը մեծ աջակցություն կցուցաբերի Իրանում ցույցերի մասնակիցներին։ Այս մասին գրել է ԱՄՆ նախագահ Դոնալդ Թրամփն իր թվիթերյան էջում։
ԱՄՆ նախագահը նշել է, որ հարգում է Իրանի ժողովրդին, որը փորձում է պայքարել իր կոռուպացված կառավարության դեմ։
Such respect for the people of Iran as they try to take back their corrupt government. You will see great support from the United States at the appropriate time!
— Donald J. Trump (@realDonaldTrump) January 3, 2018
«Դուք մեծ աջակցություն կտեսնեք ԱՄՆ-ի կողմից համապատասխան ժամանակ»,-խոստացել է Թրամփը։
Դեկտեմբերի 28-ից իրանական տարբեր քաղաքներում անցկացվող զանգվածային ցույցերի մասնակիցները բողոքում են սննդամթերքի գնի, ինչպես նաև գործազրկության ու կոռուպցիայի աճի դեմ։ Ցուցարարների կարգախոսները կրում են ոչ միայն տնտեսական, այլև քաղաքական բնույթ։