Չինաստանի Հունան նահանգի վարչական կենտրոն հանդիսացող Չանշիում ականատեսները ցնցող տեսանյութ են նկարահանել։ Կադրերում երևում է, թե ինչպես է ոստիկանը փայտով սատկացնում շանը։
Ոստիկաններն այնտեղ էին ժամանել կանչով. նրանց հայտնել էին այն մասին, որ ոսկեգույն ռետրիվերը կծել է 2 հոգու։ Շունը կապված է եղել ճամփեզրի մետաղաձողին, տերը կողքին չի եղել։
Ոստիկաններն ավելի ուշ պարզաբանել են, որ իրենց մոտ հանգստացնող նյութ չի եղել, իսկ զենքի դիմել իրենք չեն ցանկացել, քանի որ փամփուշտը կարող էր պատահական անցորդի դիպչել։
Հավաքվածները խնդրել են ոստիկանին դադարեցնել շանը փայտով հարվածելը, սակայն նա որոշել է գործն ավարտին հասցնել։
Կենդանիների պաշտպաններն արդեն բողոքի ձայն են բարձրացրել և դիմել համապատասխան ատյաններ։
Շանը սպանել են առանձնակի դաժանությամբ։ Ականատեսները փակել են իրենց ականջները, որպեսզի չլսեն շան կաղկանձը։