Ant Financial-ը՝ չինական Alibaba հսկայի ֆինանսական ստորաբաժանումը, չի կարողանա գնել MoneyGram գլոբալ վճարային համակարգը, քանի որ ԱՄՆ կառավարությունն արգելափակել է 1,2 մլրդ դոլարի գործարքը: Այս մասին հայտնում է psm7.com-ը:
Հիշեցնենք՝ Ant Financial-ը MoneyGram-ը գնելու մասին հայտարարել է դեռևս 2017 թ. ապրիլին՝ վճարայիին համակարգին ավելի լավ պայմաններ առաջարկելով, քան Euronet-ը:
Համաձայնագրի պայմաններով՝ Ant Financial-ը MoneyGram-ին 30 մլն դոլար է վճարել ձեռքբերման գործընթացի դադարեցման պատճառով:
Գործարքի չեղարկումը հարված է Ant Financial-ին, որը 2017 թ.մեծ մասը ծախսել է իր վճարային բջջային ցանցի զարգացման վրա Չինաստանի սահմաններից դուրս՝ հարավարևելյան Ասիայում, Հնդկաստանում, Կորեայում, Ճապոնիայում և ասիական այլ երկրներում: MoneyGram-ի հետ գործարքը ոչ միայն ԱՄՆ-ին կներգրավեր այդ ռազմավարությանը, այլև ընկերությանը միջազգային գրասենյակների ֆիզիկական ցանց և խոշոր մաս կտրամադրեր անդրսահմանյան վճարումներում: Բայց հիմա դա տեղի չի ունենա, Ant Financial-ը պետք է այլընտրանքային քայլեր ձեռնարկի MoneyGram-ի հետ «ռազմավարական գործընկերության» մեջ: