Իրանի մայդանում առաջին ոստիկանն է սպանվել։ Դեպքը տեղի է ունեցել Նեջեֆաբադ քաղաքում. ցույցերի մասնակիցներից մեկը կրակ է բացել ոստիկանության ուղղությամբ։ Հրազենային վիրավորում են ստացել ևս 3 իրավապահներ։
Զանգվածային ցույցերը ճարակել են երկիրը դեկտեմբերի 28-ից։ Բողոքի ակցիաները սկսվել են բնակչության մեծությամբ երկրորդ քաղաք Մեշհեդում, պատճառ է հանդիսացել բնակչության դժգոհությունը գնաճից։ Ցույցերը տարածվել են նաև այլ քաղաքներում, պահանջները՝ ընդլայնվել։ Վերջին տվյալներով՝ բախումների ընթացքում զոհվել է առնվազն 12 մարդ։