Իրանի իշխանությունները հայտարարել են, որ ցույցերի ընթացքում 2 մարդու մահվան մեջ մեղավոր են «օտարերկրյա գործակալները»։ Այս մասին հայտարարել է Լորեստան նահանգի փոխնահանգապետ Հաբիբոլա Հոջասթեհփուրը։
«Ոստիկանությունն ու անվտանգության ուժերը որևէ կրակոց չեն արձակել։ Մենք այդ ընդհարման մեջ հայտնաբերել ենք հեղափոխության թշնամիների, Թաքֆիրիի խմբերի և օտարերկրյա գործակալների մասնակցություն։
Դեկտեմբերի 31-ին հայտնի էր դարձել Դորուդ քաղաքում հակակառավարական ցույցերի ընթացքում 2 մարդու մահվան մասին։
Իր հերթին Իսլամական հեղափոխության պահակազորը հայտարարել է, որ ցուցարարների մահը պայմանավորված է հրաձգությամբ, որը բացել է անհայտ անձանց խումբը։ Նրանց վարկածով՝ այդ մարդիկ եկել էին բողոքի ակցիայի, իսկ հետո անկանոն կրակ բացել ցուցարարների և տեղի բնակիչների տների վրա։
