ԱՄՆ-ն ակնդետ հետևում է Իրանում մարդու իրավունքների խախումներին։ Նախագահ Դոնալդ Թրամփը կարծում է, որ ցույցերն Իրանում պայմանավորված են այն բանով, որ իրանցիները չեն ցանկանում, որպեսզի իրենց գումարները ծախսվեն ահաբեկիչների հովանավորության վրա։ Այս մասին նա գրել է իր թվիթերյան էջում։ «Մեծ ցույցեր Իրանում։ Մարդիկ վերջապես հասկացել են, թե ինչպես են իրենց գումարները գողանում և ծախսում ահաբեկչության վրա»,-հայտարարել է Թրամփը։
Նշենք, որ իրանական մի շարք քաղաքներում 4-րդ օրն անընդմեջ զանգվածային ցույցեր են անցկացվում, հաղորդվում է նաև վարչական շենքերի վրա ցուցարարների հարձակումների մասին։
Դեկտեմբերի 30-ին հակակառավարական ցույցերի ընթացքում Թեհրանում ձերբակալվել է 200 ցուցարար։ Իրանի նախագահ Հասան Ռուհանին դեկտեմբերի 31-ին նախարարների կաբինետի նիստում դատապարտել է բռնության դրսևորումներն ու հանրային սեփականությանը հասցված վնասները, սակայն կոչ արել կառավարությանը ստեղծել հնարավորություններ՝ օրինական քննադատության ու ցույցերի համար։