Յուրաքանչյուր ժողովուրդ ունի խոհանոցային իր ավանդույթները։ Adme.ru-ն ներկայացնում է, թե Ամանորին ինչ են պատրաստում մարդիկ աշխարհի տարբեր երկրներում։
Դանիա
Դանիացիները սեղանին ավանդաբար դնում են տապակած սագ, չրեր կամ խոզի միս՝ կարտոֆիլով և կարմիր կաղամբով։ Խմում են գարեջուր, իսկ որպես աղանդեր ուտում են բրնձից պատրաստված քաղցրավենիք։
Նեպալ
Նեպալում, որտեղ դավանում են հինդուիզմ, Նոր տարին նշում են ապրիլի կեսին: Այդ օրը նեպալցիներն ուտում են հնդկական, տիբեթյան ավանդական ուտեստներ։
Իտալիա
Եվրոպական շատ երկրներում մեծ շուքով նշում են Սուրբ ծնունդը, իսկ Նոր տարին հիմնականում դիմավորում են դրսում։ Օրինակ՝ Իտալիայում տանտիրուհիները պատրաստում են նրբերշիկ՝ խոզի մսից։
Մեքսիկա
Մեքսիկացիները սիրում են կծու ուտեստներ, Նոր տարվա սեղանին դնում են ծովախեցգետին և կարտոֆիլ, հնդկահավ, եգիպտացորեն, քաղցրավենիք։
Անգլիա
Անգլիացիների ավանդական ուտեստներից է լցոնած հնդկահավը, պուդինգը, որը պատրաստվում է հացի փշուրներից, ալյուրից, չամիչից, մատուցելուց առաջ աղանդերի վրա ռոմ են լցնում և այրում։
Վիետնամ
Վիետնամում ամանորյա տոնն անվանում են Տետ և նշում են լուսնային օրացույցով։ Տոնական ճաշերը պատրաստում են հիմնականում բրնձից և մսից։ Օրինակ՝ խոզի միս կոկոսի կաթով։
Ֆրանսիա
Ֆրանսիայում ավանդաբար մատուցում են ոստրե, ֆուա-գրայով բուտերբրոդներ, պանրի տեսականի և, իհարկե, ֆրանսիական գինի։
Գերմանիա
Գերմանիայում սեղանին անպայման դնում են խնձորով և ընկուզեղենով պատրաստված ուտեստներ։ Խնձորը համարվում է բարին և չարը տարբերակելու պտուղ, իսկ ընկուզեղենը խորհրդանշում է կյանքի դժվարությունները։
Չեխիա
Չեխիայում տանտիրուհիների հպարտությունը շտրուդելն է՝ խնձորով կարկանդակը, որը մատուցվում է պաղպաղակի կամ մուրաբայի հետ։ Ընդհանուր առմամբ չեխերի ամանորյա սեղանը համեստ է՝ ապուր, ձուկ, շիլա։