Բրիտանական հայտնի The Daily Mail տաբլոիդը հրապարակել է հեղինակավոր դիետոլոգ Ջեյն Միթչելի խորհուրդները այն մասին, թե ինչպես չափից շատ չուտել Ամանորին:
Որպես Ամանորին շատ ուտելուց խուսափելու գործող միջոց Միթչելն առաջարկում է ջուր խմել:
«Գինու ամեն կումին պետք է բաժին ընկնի 3 կում ջուր: Ձեր կողքին ջրով լի բաժակ պահեք և պարբերաբար խմեք: Այդպես դուք ավելի քիչ ալկոհոլ կխմեք»,- մեջբերում է պարբերականը փորձագետի կարծիքը:
Միթչելը նաև խորհուրդ է տալիս չուտել տապակած և ալյուրով պատրաստված ուտեստներ, նաև հնարավորինս արագ մատուցողին կամ տանտիրոջը տալ ձեր ափսեն՝ մեքենայաբար ուտելուց խուսափելու համար: Եթե կամքի ուժը տեղի է տալիս, ավելի լավ է՝ «նախընտրել թարմ բանջարեղենով և օգտակար մթերքներով աղցան»:
Ախորժակը զսպել օգնում է նաև զգեստապահարանը: «Հագեք սեքսուալ, կիպ մի բան: Դա կօգնի զսպել ախորժակը»,- խորհուրդ է տալիս դիետոլոգը:
Փորձագետը նաև լավ կազմվածքը պահելու 5 մեթոդ է առաջարկում.
– «հաճախ փորձեք զգեստը, որը մտադիր եք կրել երեկոյան, և պատկերացրեք, թե այն ինչ տեսք կունենա, եթե մի քանի կիլոգրամով գիրանաք»
– «գրառեք այն ամենը, ինչ կերել և խմել եք օրվա ընթացքում»
– «ձեր սնունդը բաժանեք 3 մասի և կերեք դրա միայն 2 մասը»
– «կրճատեք ալկոհոլի քանակը»
– «հեռուստացույցով խոհանոցային շոուներ մի դիտեք, այլապես չեք կարողանա ազատվել սննդի մասին մտքերից»