Կոտայքի մարզի Քաղսի համայնքում Ամանորից առաջ կանայք պարտադիր լավաշ են թխում: «Առաջին լրատվական»-ի հետ զրույցում նրանք նշեցին, որ լավաշը իրենց սեղանների թագուհին է և առատության խորհրդանիշը:
«Թոնրի լավաշ, գաթա, կարմրացրած հավ, խորոված, սրանք մեր տոնական սեղանին ենք դնում, թոնրի մեջ ինչ ասես թխում ենք, կարմրացնում, խոզի գոջի էլ ենք կախում »,- ասացին գյուղի լավաշ թխող կանայք:
Թոնրատանը հավաքվել էին ոչ միայն կանայք, այլև տղամարդիկ, որոնք ոչ միայն վառելիքի հարցն էին լուծում, այլև թոնրատուն տնական օղի էին բերել՝ կենացների համար. «Նոր տարուց առաջ լավաշ թխելը պետք է նույնպես տոն լինի, որ առատ ցորենի տարի լինի, թող կանայք թխեն, մենք էլ կենացները քաղցրացնենք»,- նշեց համայնքի բնակիչ Վարուժան պապը: