Նեապոլի կենտրոնում գտնվող Ումբերտո առևտրի պատկերասրահում տեղադրված ամանորյա տոնածառը 10 օրվա ընթացքում արդեն չորրորդ անգամ հարձակման է ենթարկվում վանդալների կողմից: Այդ մասին տեղեկացնում են տեղական ԶԼՄ-ները:
Գիշերը անհայտ անձինք դուրս են հանել 4 մետրանոց ծառը իր արմատներով և գցել գետնին: Ոստիկանները եղևնին տեղն են դրել և ցանկապատել այն: Մի քանի ժամ անց չարագործները վերադարձել և նորից հանել են տոնածառը՝ այս անգամ մեքենայով տանելով այն: Առավոտյան ծառը հայտնաբերվել է ոստիկանության շենքի մոտակայքում:
Ծառի ոդիսականից հետո այդպես էլ չի հաջողվել այն ուղիղ դիրքով տեղադրել: Դեպքի վայրց լուսանկարում ծառը հիշեցնում է Պիզայի աշտարակը: Այսօրվա հերթական դեպքից հետո որոշվել է ծառն այլևս չվերադարձնել իր տեղը:
Ոստիկանությունը շարունակական հարձակումների մեջ կասկածում է անչափահասների ավազակախմբին:
