Բրիտանական Daily Mail-ը թվարկել է 2017թ. ամենատարօրինակ ուտեստները, որոնք նկատվել են համացանցում:
Այս տարի Instagram-ում տարածված էր «միաեղջյուրի սնունդը», որ վառ գույնի ներկանյութերով գունավորված ուտելիք է, օրինակ՝ «միաեղջյուրի սպագետին». այն ծեփամածիկ է հիշեցնում, և տեսքը բոլորովին էլ ախորժաբեր չէ:
Համեղ ուտելիքների սիրահարների շրջանում այս տարի տարածված էր նաև «ամպային ձուն». այն պատրաստելու համար ձվի սպիտակուցը առանձնացվում էր դեղնուցից, այնուհետև լավ հարած սպիտակուցի փրփուրը թխվում էր: Այդ թրենդը երկար կյանք չունեցավ, քանի որ պարզ դարձավ, որ այն պարունակում է 161 կալորիա՝ ավելին, քան սովորական եփած ձուն:
Քաղցրակերներին այս տարի ուրախացրեց այն, որ Ցյուրիխում պատրաստվեց բնական վարդագույն շոկոլադ: Այն հատապտուղների համ ունի: Տարօրինակ ուտեստներ էին նաև փայտածուխով պաղպաղակը, բանջարեղենային յոգուրտները և սննդի ուտելի փայլերը: