Հայտնի շոումեն Գարիկ Մարտիրոսյանի կինը՝ Ժաննա Լևինան, Instagram-ում պատմել է թատրոնի և իր առաջին ակամա դերի մասին:
«Նախորդ դարում, երբ ես 9 տարեկան էի, առաջին անգամ հայտնվեցի թատրոնում: Առաջին ներկայացումը, որ դիտեցի, «Ռոմեո և Ջուլիետն» էր: Ինձ ամենից շատ ցնցեց ոչ թե Կապուլետի և Մոնթեքի ընտանիքների թշնամությունը, երկու դեռահասների ողբերգական սիրո պատմությունը, այլ 12-ամյա Ջուլիետայի հասուն տարիքը: Եվ դա խոր տպավորություն թողեց իմ ենթագիտակցության մեջ»,- գրել է Ժաննան:
Այժմ, ժաննայի խոսքով, ինքը հասկանում է, որ իր երազած դերի կատարողը 40 տարեկան էր, բայց 9-ամյա աղջնակի համար դա մոտ էր 100-ի: Լևինան իրեն հատուկ ոճով կարողացել է այնպես պատմել այդ պատմությունը, որ բոլոր օգտատերերը բարձր են գնահատել նրա հումորի զգացումը:
«Այսօր, երբ ես երկնագույն փայլուն վերարկուով զբոսնում էի առևտրի կենտրոնում, իմ հասցեին լսեցի մի փոքրիկ աղջնակի ձայն. «Մայրի՛կ, մայրի՛կ, սա ձյունանուշի՞կ է»: Այդ խոսքերը լսելուց հետո ես արագ հեռացա այդ վայրից, որպեսզի հոգեբանական վնասվածք չհասցնեմ երեխային, որի մասին 30 տարի անց նա անկասկած կգրեր իր Instagram-ում»,- գրել է Ժաննան: