ՀՀ արտակարգ իրավիճակների նախարարությունը դեկտեմբերի 30-ին, ժամը 06:03-ին ահազանգ է ստացել, որ հրդեհ է բռնկվել Տավուշի մարզի Չինարի գյուղի գյուղապետարանում:
Դեպքի վայր է մեկնել երեք մարտական հաշվարկ:
Հրդեհը մեկուսացվել է ժամը 08:25-ին, մարվել՝ 13:27-ին:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, ամբողջությամբ այրվել են երկհարկանի շենքի (մոտ 1200 քմ) 2-րդ հարկից 10 սենյակ (մոտ 560 քմ), 1-ին հարկից՝ 2 խանութ (մոտ 560 քմ), տանիքի փայտյա կառուցատարրերը (մոտ 600 քմ) և գյուղի ազդարարման համակարգը (LD800):
Դեպքի վայրում հրդեհաշիջման աշխատանքներին մասնակցել են Չինարի գյուղի հենակետից քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի 10 ծառայող և 30 բնակիչ: