Քայլի Ջենների հղիությունը բարդ է ընթանում. նա գրեթե չի տեսնվում ընկերների հետ, հազվադեպ է զբաղվում Instagram-ով և տխրում է ավելորդ կիլոգրամների պատճառով:
Բայց կրակի վրա յուղ է լցնում երեխայի հայրը՝ Թրևիս Սքոթը, ով նախընտրում է ժամանակի մեծ մասն անցկացնել երեկույթներում, ոչ թե աջակցել սիրելիին:
Գործն իր ձեռքն է վերցրել Քանյե Ուեսթը, հայտնում է sundaynews.info-ն: Ներքին աղբյուրների հաղորդմամբ՝ ռեփերը Թրևիսի հետ տղամարդկային զրույց է ունեցել՝ փորձելով նրան բացատրել իրավիճակի լրջությունը և թե ապագա հայրն իրեն ինչպես պետք է պահի:
«Քանյեն դեմ առ դեմ խոսեց Թրևիսի հետ սուրբծննդյան երեկույթի ժամանակ: Դա շատ հուզական զրույց էր, երբ Քանյեն ասում էր, թե որքան հրաշալի է հայր լինելը: Նա Թրևիսին պատմեց, որ նրա կյանքը կփոխվի, բայց պետք չէ դրանից վախենալ, այլ պետք է իսկական տղամարդ լինել և լինել Քայլիի կողքին»,- ասել է աղբյուրը:
Ուեսթը հստակ հասկացրել է, որ ինքն ընտանիքի պաշտպանն է և թույլ չի տա, որ իր հարազատները տառապեն: