Ժիրայր Սեֆիլյանը 10 տարուց ավելի ղեկավարել է «Հիմնադիր խորհրդարան»-ը, և զենքով պայքարի մասին խոսք, նախապատրաստություն չի եղել։ Այդ մասին «Առաջին լրատվական»-ի հետ զրույցում ասաց «Հանուն Հայաստան պետության» ճակատի անդամ, դերասանուհի Թամար Հովհաննիսյանը։
«Ժիրայր Սեֆիլյանը զտարյուն քաղաքական գործիչ և՛ եղել է, և՛ է, անընդհատ վերդառնում եք քաղաքական դաշտ, թե զենքով պայքարը։ Զենքով պայքար չի եղել նույնիսկ «Սասնա ծռեր»-ի ապստամբությունը, զենքը եղել է սիմվոլ նրանց ձեռքին։ Զենքը իշխանության ձեռքին է, զորքը իշխանության ձեռքին է, զենքով իշխանության է եկել ներկա, գործող նախագահը։ Եվ այն ժամանակվա 10 զոհերի մեջ նույնպես ոստիկան է եղել, որի համար ոչ մեկը, այդ թվում՝ գործող նախագահը, պատասխանատվություն չի կրել։ Եթե «Սասնա ծռեր»-ի մոտ երկու հատ կիսաշեն հրացան է եղել, որ մնացել է իրենց հերոսական պայքարից, դա դեռ չի նշանակում, որ նրանք զենքով պայքար են մղել, դեռ չի նշանակում՝ Ժիրայր Սեֆիլյանի կոչի մեջ չի բացառվել զենքով պայքարը, ինչպես դուք ասացիք, եթե նշված «գործիչները» կարծել են, թե Սեֆիլյանի կոչին չմասանակցելը, չհետևելը կնշանակի ասել, որ իրենք համաձայն չեն զենքով պայքարին, իրենք չարաչար սխալվում են, ուրեմն իրենց կարելի ասել, որ քաղաքական գործիչ չեն, եթե չեն կարողանում ճանաչել, թե ով ինչով է զբաղվել, ով ինչ կոչ է անում»,- շեշտեց նա։
Մանրամասները՝ տեսանյութում։