Ավստրալիայի վարչապետ Մալքոլմ Թերնբուլը տուգանվել է 250 դոլարով այն բանից հետո, երբ համացանցում հայտնվել է լուսանկար, որտեղ նա նավակ է վարում առանց փրկարարական բաճկոնի։ Այս մասին հայտնում է The Telegraph-ը։
Վարչապետը Facebook-ում ներողություն է խնդրել տեղի ունեցածի համար։ Նա փչովի մոտորանավակում լուսանկարվել է Սիդնեյի նավահանգստում՝ իր տան մոտ։ Նա գրառման մեջ ասել է, որ ընդամենը տեղափոխել է նավակը կարճ հեռավորության վրա և եղել է ափին մոտ։
«Կանոնները հաճախ պայմանականություն են թվում, սակայն դրանք ստեղծված են, որպեսզի մենք լինենք անվտանգ, և մենք բոլորս պետք է պահպանենք դրանք։ Այսպիսով՝ քաղված դասը. ես միշտ կհետևեմ, որպեսզի մշտապես փրկարարական բաճկոն կրեմ իմ նավակում՝ անկախ նրանից, թե որքան մոտ եմ ափին»,-հավելել է նա։