ԱՄՆ նախագահ Դոնալդ Թրամփը պատմել է ԱՄՆ փոստային ծառայության թերությունների մասին և կոչ արել գերատեսչությանը բարձրացնելու սակագները։ Այս մասին Թրամփը գրել է իր թվիթերյան էջում։ Քաղաքական գործիչը նշել է, որ փոստը ցածր վճար է գանձում Amazon-ից։
«Ինչու՞ է ԱՄՆ փոստային ծառայությունը տարեկան բազմաթիվ միլիարդներ կորցնում՝ Amazon-ից և այլ ծառայություններին գանձելով ցածր վճար նրանց մատակարարումների համար՝ դարձնելով Amazon-ին ավելի հարուստ, իսկ փոստը՝ ավելի հիմար և աղքատ։ Պետք է շատ ավելին վերցնել»,-հայտարարել է Թրամփը։
Ավելի վաղ Թրամփը հայտարարել էր, որ ԶԼՄ-ները հանուն վարկանիշերի կօգնեն իրեն հաղթել 2020 թվականի ընտրություններում։
