Դեկտեմբերի 29-ին եվրոպական Airbus ինքնաթիռ արտադրող կոնցեռնը հայտնել է իր պատմության մեջ ամենախոշոր գործարքի կնքման մասին: Նախօրեին Թուլուզում պայմանագիր է ստորագրվել ամերիկյան Indigo Partners ներդրումային հիմնադրամին թռիչքի միջին հեռահարության 430 ինքնաթիռի մատակարարման մասին մոտ 49,5 մլրդ դոլար ընդհանուր գումարով: Այս մասին հայտնում է Fakty-ն:
Airbus-ը պարտավորվել է 180-տեղանոց A320neo ինքնաթիռներ մատակարարել, նաև ավելի մեծ A321neo-ներ:
Օդանավերը կհամալրեն չորս բյուջետային ավիաընկերությունների ավիապարկերը, որոնցում բաժին ունի Indigo Partners-ը: Խոսքն ամերիկյան Frontier Airlines-ի, չիլիական JetSMART-ի, մեքսիկական Volaris-ի և հունգարական Wizz Air-ի մասին է:
