Հայաստանի ԱԻՆ-ում, դեկտեմբերի 27-ին, ժամը 21:04-ին ահազանգ է ստացվել, որ Երևան քաղաքի Ուլնեցի և Ռուբինյանց փողոցների խաչմերուկի մոտակայքում («Ալմաստ» գործարանի մոտակայք) տեղի է ունեցել ավտովթար՝ ավտոմեքենան շրջվել է, առկա է արգելափակված քաղաքացի. անհրաժեշտ է փրկարարների օգնությունը:
Դեպքի վայր է մեկնել երկու մարտական հաշվարկ:
Պարզվել է, որ «Volkswagen passat» մակնիշի 34 ZR 496 պետհամարանիշի (վարորդ՝ 15-ամյա Ա. Գ.) ավտոմեքենան դուրս է եկել ճանապարհի երթևեկելի հատվածից, բախվել է էլ.սյանը և կողաշրջվել, ինչի հետևանքով վարորդը և ուղևորներ՝ 15-ամյա Արմեն Մ.-ն և 15-ամյա Սամվել Բ.-ն հոսպիտալացվել են «Սուրբ Գր.Լուսավորիչ» ԲԿ, որտեղ ստանալով համապատասխան բուժօգնություն՝ դուրս են գրվել:
Փրկարարները հոսանքազրկել են ավտոմեքենան, փակել գազի բալոնի փականը և կատարել հովացման աշխատանքներ: