Թուրքիայի կողմից ռուսական С-400 զենիթա-հրթիռային համալիրների գնումը մասամբ կիրականացվի վարկով, ասել է Թուրքիայի ազգային պաշտպանության նախարար Նուրեթին Ջանիկլին։
Ջանիկլիի խոսքով՝ կողմերը վերջնական համաձայնագիր են ստորագրել դեպի Թուրքիա С-400 համալիրների մատակարարումների մասին։
Ավելի վաղ «Ռոստեխի» գլխավոր տնօրեն Սերգեյ Չեմեզովն ասել էր, որ Թուրքիան Ռուսաստանից ձեռք է բերել С-400 զենիթա-հրթիռային համալիրների 4 դիվիզիոն։ Չեմեզովի խոսքով՝ գործարքի ընդհանուր արժեքը կազմել է 2.5 մլրդ դոլար, իսկ առաջին մատակարարումները նշանակված են 2019 թվականի վերջին-2020 թվականի սկզբին։
