«Թուրքմենական ավիաուղիները» դեկտեմբերի 27-ին կիրականացնեն Աշխաբադ-Երևան չվերթը։
Այս մասին լրագրողների հետ զրույցում ասաց ՀՀ կառավարությանն առընթեր քաղաքացիական ավիացիայի գլխավոր վարչության պետ Սերգեյ Ավետիսյանը։
Այս ուղղությամբ առաջին չվերթը կկայանա դեկտեմբերի 27-ին ժամը 13:00-ին։
«Հատկանշական է, որ Հայաստանի պատմության ընթացքում առաջին անգամ չվերթն իրականացվելու է օդի 5-րդ ազատության իրավունքի օգտագործմամբ։ Տվյալ չվերթը շարունակվելու է դեպի Ֆրանկֆուրտ։ Լինելու են՝ Աշխաբադ-Երևան-Երևան-Ֆրանկֆուրտ և Ֆրանկֆուրտ-Երևան-Երևան-Աշխաբադ չվերթներ»,- ասաց Սերգեյ Ավետիսյանը։
Թռիչքները լինելու են դեռևս շաբաթական մեկ անգամ՝ ամեն շաբաթվա երրորդ օրը։ Նրա խոսքով, եթե չվերթն ուղևորների կողմից պահանջված լինի, ապա հնարավորություն կստեղծվի ավելացնել թռիչքների քանակը։
