Հսկայական պոտենցիալ կա Հայաստանում ձկնաբուծական ջրերը երկրորդական օգտագործման համատեքստում վերածելու ոռոգման ջրերի: Դեկտեմբերի 25-ին լրագրողների հետ հանդիպմանը նման տեսակետ հայտնեց ՀՀ բնապահպանության նախարար Արծվիկ Մինասյանը:
«Հայանիստ համայնքում իրականացված պիլոտային ծրագրով պարզ է դարձել, որ ձկնաբուծական ջրերը կարող են օգտագործվել ոռոգման նպատակով: Չի արձանագրվել որևէ բացասական դրսևորում ոչ ջրի ֆիզիկաքիմիական կառուցվածքում, ոչ էլ այն մթերքում, որը ստացվել է այդ ջրի օգտագործումից»,-ասաց նախարարն ու հավելեց՝ իսկ դա նշանակում է, ունենք հսկայական պոտենցիալ ձկնաբուծական ջրերը վերածելու ոռոգման ջրերի:
Մինասյանի խոսքով՝ պետք է իջեցնեն արդյունահանվող ջրերի քանակը 1.1 մլրդ-ից ոչ ավելի: Այս պահին ունենք 1. 5 մլրդ ջրաելք: «Ժամանակին հաշվարկվում էր շատ ավելի մեծ քանակի՝ 2. 5 մլրդ խոր. ջրի ելք: Փականային ռեժիմի աշխատանքը օգնեց»,-նշեց նա: