Թուրքիայում տղամարդը վազելով բեմ է բարձրացել երկրի նախագահ Ռեջեփ Թայիփ Էրդողանի ելույթի ժամանակ, որպեսզի գրկի նրան։ Այս մասին հայտնում է թուրքական Hurriyet պարբերականը՝ միջադեպից հրապարակելով տեսանյութ։
Միջադեպը տեղի է ունեցել դեկտեմբերի 24-ին, Շըրնաք նահանգում։ Այն ժամանակ, երբ Էրդողանը դուրս է եկել բեմ՝ հանրությանը ողջունելու, բազմությունից առանձնացել է մի տղամարդ, ով նետվել է նախագահին գրկելու։
Էրդողանի թիկնապահներն արձագանքել են ակնթարթորեն և հեռացրել տղամարդուն պետության ղեկավարից։ Դատելով Էրդողանի արձագանքից՝ տեղի ունեցածը նրա համար անսպասելի է եղել։
Տղամարդը ԶԼՄ-ների հետ զրույցում հայտարարել է, որ պարզապես ցանկացել է գրկել նախագահին, իսկ իր մտադրությունները սխալ են ընկալվել։
