Վրաստանն արտոնագրել է 30 անուն ազգային ապրանքատեսակներ։ Մասնավորապես արտոնագրվել է «չաչան» (խաղողի օղի), «խաչապուրին», «չուրչխելան» (խաղողի խտահյութի մեջ թաթախված ընկույզների թելաշար՝ սուջուխ), «սուլգունին»։
«Սակպատենտի» կենտրոնի ղեկավարի խոսքով՝ վերջին շրջանում գերատեսչությունը բախվել է Արևմտյան Եվրոպայի երկրներում վրացական ազգային բրենդերի յուրացման խնդրին։
«Դա մեզ համար լուրջ խնդիրներ է ստեղծում՝ անմիջապես Վրաստանում արտադրված մթերքի գրանցման ժամանակ»,-հայտարարել է Իրակլի Գվալաձեն։
Նրա խոսքով՝ ազգային բրենդերի գրանցումն ապագայում կշարունակվի։