Ըմպելիքների ամերիկյան արտադրող Long Island Iced Tea Corp-ի բաժնետոմսերը թանկացել են մոտ 180 տոկոսով այն բանից հետո, երբ ընկերությունն անվանափոխվել է՝ դառնալով Long Blockchain Corp։ Այս մասին հայտնում է Bloomberg-ը։
Հինգշաբթի օրվա տվյալներով՝ Long Blockchain Corp-ի կապիտալիզացիան կազմել է մոտ 68 մլն դոլար։ Անվանափոխությունից հետո ընկերությունում հայտարարել են, որ հետագայում ծրագրում են ներդրում անել նախագծերում՝ կապված բլոկչեյնի (տեղեկատվական բլոկերի շղթա) հետ։
Ընկերությունը նաև գնել է www.longblockchain.com դոմենը։ Long Blockchain Corp-ը կշարունակի ոչ ալկոհոլային ըմպելիքներ արտադրել։
2017 թվականի հոկտեմբերին բրիտանական On-line Plc ընկերությունն իր անվան մեջ ավելացրել էր «բլոկչեյն» բառը և հնգակի թանկացել։