Այսօր լրագրողների հետ հանդիպման ժամանակ «Ժառանգություն» խմբակցության անդամ Զարուհի Փոստանջյանը զերծ մնաց ՀԱԿ- իշխանություն երկխոսության մասին «Ժառանգություն» կուսակցության դիրքորոշումը հայտարարելուց՝ ասելով, որ այդ մասին կհրապարակվի կուսակցության վարչության կողմից։
Պատգամավորն ինքը ոչ մի խնդիր չի տեսնում որևէ քաղքական ուժի կամ կուսակցության հետ երկխոսելու գործում։
«Բոլոր գործընթացները քաղաքական ուժերի մեջ կարող է և ցանկալի է, որ տեղի ունենան, եթե դրանք դուրս են երեք նախագահների եռանկյունուց, այսինքն՝ եթե սպասարկելու են ոչ թե մի անձի, այլ իրապես սպասարկելու են Հայաստանում ժողովրդավարական բարեփոխումներին»,- կարծում է Զարուհի Փոստանջյանը։
