Հանրային ծառայույունները կարգավորող հանձնաժողովն այսօր կայացած նիստում 1 միլիոն դրամով տուգանեց «Արփա-Էներգիա» ընկերությանը այն բանի համար, որ «Արփա» ՓՀԷԿ-ի շահագործման ընթացքում նախկինում նախատեսված մետաղական խողովակաշարի փոխարեն տեղակայել է ապակեմանրաթելային խողովակաշար: Ինչի արդյունքում ընկերությունը խախտել է լիցենզիայի որոշ պայմանների կետերի պահանջները: ՀԾԿՀ անդամ Սեդա Շահինյանը նշեց, որ ընկերությունը լիցենզիայով սահմանված նախատեսում էր, որ պետք է տեղակայի օգտագործված պողպատե խողովակաշար, սակայն, հետո կակտելով լիցենզիայի պայմանները, տեղադրել է այլ խողովակաշար։
Նիստին ներկա էր նաև «Արփա-Էներգիա» ընկերության ներկայացուցիչը, ով ասաց, որ ոչ մի բողոք չունեն։ Նիստի ավարտից հետո նա «Առաջին լրատվական»-ի հետ զրույցում ասաց, որ «խողովակաշարը տեղադրվել է իրենցից առաջ, իրենք կապ չունեն դրա հետ»։
Նա նաև նշեց, որ ընկերությունը ոչ մի կապ չունի «Ջերմուկ գրուպ»-ի սեփականատեր Աշոտ Արսենյանի հետ։ «Ընկերությունը մի քանի բաժնետեր ունի, բայց Արսենյանը ոչ մի կապ չունի»,-ասաց «Արփա-Էներգիա» ընկերության ներկայացուցիչը: