Թուրքիան հավելյալ ուժեր է ուղարկում Սիրիայի հետ սահման։ Հաթայ նահանգ է հասել զրահատեխնիկա Թուրքիայի զինված ուժերի տարբեր զորամասերից։ Այս մասին հայտնում է Anadolu գործակալությունը։
Համալրումը կատարվում է՝ Սիրիայի հետ սահմանին թուրքական ռազմական ստորաբաժանումների մարտական պատրաստության բարձրացման համար։
Այսօր ավելի վաղ արդեն հաղորդվել էր, որ Թուրքիայի զինված ուժերը լիովին պատրաստ են սիրիական Աֆրին քաղաքում գործողությունների։ Նշվել է նաև, որ Աֆրինում գործողության անցկացումը հանդիսանում է ժամանակի հարց։
Սիրիական պատերազմը շարունակվում է 2011 թվականի մարտից։ Պատերազմի հետևանքով ավելի քան 10 մլն մարդ ստիպված է եղել լքել հարազատ տունը, 4.8 մլն մարդ ապաստան է գտել երկրի սահմաններից դուրս։