Այսօր Ղազախստանի խորհրդարանի վերին պալատը որոշում է կայացրել մերժել այն օրինագիծը, համաձայն որի ղազախական ստորաբաժանումը պետք է մեկներ Աֆղանստան անվտանգության միջազգային օպերացիային մասնակցելու համար: Այս մասին հաղորդում է Новости-Казахстан լրատվական գործակալությունը:
Սկզբում Ղազախստանը պայմանագիր էր ստորագրել ՆԱՏՕ-ի հետ, որով նախատեսվում էր այդ երկրի մասնակցությունը Աֆղանստանում միջազգային ուժերի գործողություններին: Այն ապա հաստատվել էր խորհրդարանի ստորին պալատի կողմից:
Այս որոշումից հետո որոշ իսլամիստական կազմակերպություններ հայտարարեցին Ղազախստանի նման գործողությունների անթույլատրելիության մասին՝ Ղազախստանի համար այստեղից բխող բոլոր բացասական հետևանքներով: Սպառնալիքներով մասնավորապես հանդես եկան Աֆղանստանի թալիբները: