ՕքսԵջեն երիտսարդության և կանանց իրավունքների պաշտպանության հիմնադրամն ամփոփում է «Խթանելով կանանց քաղաքական մասնակցությունը Հայաստանում» ծրագիրը։ Ծրագրի նպատակն էր զարգացնել քաղաքական կուսակցությունների կին ներկայացուցիչների կարողությունները՝ Հայաստանի ընտրություններում կանանց քաղաքական մասնակցության խթանման, ինչպես նաև գենդերային զգայուն քաղաքականության օրակարգ ձևավորելու համար: Բարելավել ՏԻՄ-երում ներկայացված կին թեկնածուների և արդեն ընտրված կանանց կարողությունները, նախաձեռնել հանրային քարոզարշավ՝ ազգային և տեղական մակարդակով կանանց քաղաքական մասնակցությունը խթանելու համար:
Ծրագրի ընթացքում ուսումնասիրություն է իրականացվել անցնող 2017-ի ընթացքում ընտրական գործընթացներում կանանց մասնակցության վերաբերյալ։ Ապրիլի 2-ի ընտրություններում առաջադրված քաղաքական 5 կուսակցությունների և 4 դաշինքների համապետական ցուցակներում ընդհանուր թվով 29,5 տոկոս կին թեկնածու էր ներկայացված։ Տարածքային ցուցակներով կին թեկնածուների թիվը 30,8 տոկոս էր։ Ուսումնասիրությունն արձանագրել է․ Քաղաքական ուժերը դեռևս պատրաստ չեն զիջել կանանց ավելի մեծ թվով տեղեր առաջին հնգյակում և տասնյակում, փոխարենը նրանք գրեթե 100 տոկոս ներգրավվածություն ունեն ցուցակների վերջին տասնյակների հորիզոնականներում։ Այս մասին է վկայում նաև այն փաստը, որ ընտրություններին մասնակցող քաղաքական ուժերի ցուցակներից ոչ մեկը կին չի գլխավորել ։
Պատգամավոր Լենա Նազարյանն օրինակ կարևորում է կանանց դերը քաղաքականության մեջ։ Վստահեցնում է՝ իր օրինակով դեռ շատ կանանց համար է ճանապարհ հարթելու դեպի քաղաքականություն։