Թուրք քաղաքական գործիչները բռնցքամարտի Osmanen գերմանական ակումբին գումար են հատկացրել զենքի գնման, Գերմանիայում ցույցերի կազմակերպման և քրդերին ու Էրդողանի հակառակորդներին հետապնդելու համար։ Այս մասին հետաքննության արդյունքում ի հայտ են բերել ZDF գերմանական հեռուստաալիքի Frontal 21 ծրագրի ու Stuttgarter Nachrichten թերթի լրագրողներ։ Նյութերի հիմքում ընկած են եղել ոստիկանության կողմից «որսված» հեռախոսազրույցները, ինչպես նաև քննության ընթացքում ստացված այլ տվյալներ։
Osmanen Germania ակումբն արդեն վաղուց գտնվում է Գերմանիայի իշխանությունների տեսադաշտում։ Ընդհանուր առմամբ կազմակերպությունը մոտ 20 բաժանմունք և 2500 անդամ ունի ողջ երկրում։
Ոստիկանության տվյալներով՝ Թուրքիայի իշխող «Արդարություն և զարգացում» կուսակցության անդամ և Էրդողանի վստահված անձ Մեթին Քյուլյունքն ակումբի ղեկավարությանն է փոխանցել գումարն անմիջականորեն կամ միջնորդիների միջոցով։
Ենթադրվում է, որ հենց նա է կրում պատասխանատվություն ցույցերի կազմակերպման համար՝ կապված 2016 թվականին բունդեսթագի կողմից բանաձևի ընդունման հետ, համաձայն որի՝ 20-րդ դարի սկզբին Օսմանյան կայսրությունում հայերի զանգվածային սպանությունները ճանաչվել են ցեղասպանություն։
Թուրք խորհրդարանականի գլխավոր վստահված անձնացից մեկ եղել է Osmanen Germania-ի նախին ղեկավար Մեհմեթ Բաղչին, ով 2015 թվականից գտնվում է Գերմանիայում կալանքի տակ՝ սպասելով դատին։ Հեռախոսազրույցների ձայնագրություններում լսվում է, թե ինչպես է Քյուլյունքը կոչ է անում իր հայրենակիցներին փայտերով խփել քրդերի գլխին, տեսանկարահանել դա և ուղարկել թուրքական իշխանություններին, որոնք, իրենց հերթին, կարող են օգտագործել տեսագրություններն Էրդողանի հակառակորդներին ահաբեկելու համար։ Ի պատասխան՝ Բաղչին զրույցում պարծենում է լավ կապերով։
Քննության տվյալներով՝ Բաղչին խոստացել է Էրդողանի առանցքային խորհրդականներից մեկին գործել ի շահ Անկարայի և պայքարել Գերմանիայի տարածքում ապրող «ահաբեկիչների» դեմ։