Իսրայելի պաշտպանության նախարար Ավիգդոր Լիբերմանը կոչ է արել վերանայել տնտեսական հարաբերությունները Թուրքիայի հետ վերջինիս նախագահ Ռեջեփ Թայիփ Էրդողանի հայտարարությունների ֆոնին։ Այս մասին գերատեսչության ղեկավարը հայտնել է իր ֆեյսբուքյան էջում։
«Վերջին ամիսներին Թուրքիայի նախագահ Էրդողանը ցանկացած առիթ օգտագործում է հրեական պետության դեմ բացահայտ հրահրման համար։ Կարծում եմ՝ մենք շատ բան ունենք վերանայելու Թուրքիայի հետ մեր հարաբերություններում»,-հայտարարել է Լիբերմանը։
Պաշտպանության նախարարը բողոք է արտահայտել Իսրայելից Թուրքիայով դեպի Եվրոպա գազատարի շինարարության դեմ՝ անվանելով այն «ռազմավարական մեծ սխալ»։ Նրա խոսքով՝ «պատկերավոր ասած՝ մեր գազատարի փականը կլինի Էրդողանի ձեռքերում»։