«Թրամփի՝ Երուսաղեմի՝ որպես Իսրայելի մայրաքաղաք ճանաչումը ոչ միայն կապակայունացնի տարածաշրջանը, այլ նաև շատ վտանգավոր հետևանքներ կարող է ունենալ այն իմաստով, որ երկպառակտություն կմտցնի ոչ միայն այնտեղ ապրող ամենատարբեր ազգերի ներկայացուցիչների միջև, այլև կարող է երկպառակտություն մտցնել միջկրոնական խաղաղ իրադրության մեջ, որը հատկապես մեզ՝ հայերիս համար անցանկալի երևույթ է»,- «Առաջին լրատվական»-ի հետ զրույցում ասաց ԵՊՀ ռեկտոր, պատմաբան Արամ Սիմոնյանը: Նրա խոսքերով՝ մենք Մերձավոր Արևելքի մի մասն ենք, բնականաբար, յուրաքաչյուր քաղաքական, տնտեսական ապակայունացում սպառնալիքներ է ստեղծում ամբողջ հայության համար:
Արամ Սիմոնյանը չի կարծում, թե թուրք-իսրայելական հարաբերությունները երկարաժամկետ բարդացման պատճառ կհանդիսանան. «Ըստ իս՝ և՛ Թուրքիային, և՛ Իսրայելին կապում են շատ ամուր կապեր, երկու երկրներն էլ լավ գիտակցում են, որ առանց մեկմեկու աջակցության, նրանք դժվար թե կարողանան իրենց առջև դրված քաղաքական խնդիրները լուծել: Կգան դեռ ժամանակներ, երբ նրանք կշարունակեն իրենց լավ հարաբերությունները»,- հավելեց Արամ Սիմոնյանը:
Ամբողջությամբ՝ տեսանյութում: