Բրիտանացի դերասան Գերի Օլդմենը, ով հանդես է եկել Մեծ Բրիտանիայի նախկին վարչապետ Ուինսթոն Չերչիլի դերով, նկարահանումների ժամանակ նիկոտինային թունավորում է ստացել։ Այս մասին հայտնում է The Hollywood Reporter-ը։
Ռեժիսոր Ջո Ռայթի «Մութ ժամանակներ» կենսագրական ֆիլմում Օլդմենը ստիպված է եղել ավելի քան 400 կուբայական սիգար ծխել։
«Ես լրջորեն թունավորվել եմ նիկոտինից։ Ինձ տվել են ¾-ով ծխած սիգար, ես վառել եմ այն, և մի քանի դուբլ հետո այն վառվել է, որից հետո ինձ նոր սիգար են տվել, և այդպես շարունակվել է յուրաքանչյուր տեսարանի համար 10-12 դուբլի ընթացքում»,-պարզաբանել է դերասանը։
Չերչիլի սիրելի՝ Romeo y Julieta ֆիրմայի մեկ սիգարն արժի 50 դոլար։ Ընդհանուր առմամբ սիգարների վրա ծախսվել է ֆիլմի 30 մլն բյուջեից մոտ 20 հազար դոլար։