Apple-ը սկսել է iOS 11-ի համար ներքին քարտեզների իրացումը։ 43 օբյեկտների ցուցակը, որոնց համար «Քարտեզում» ավելացվել է նավիգացիան, հրապարակվել է ընկերության կայքում։ Ցուցակում առկա են 34 օդանավակայաններ և առևտրի 9 կենտրոններ։ Նոր գործառույթը թույլ կտա օգտատերերին ավելի լավ կողմնորոշվել բազմահարկ կամ մասշտաբային օբյեկտներում՝ առանց կողմնակի կայքերի, սխեմաների ու քարտեզների օգնությանը դիմելու։ Այս մասին հայտնում է Apple insider պորտալը։
Ցուցակում հայտնվել են ԱՄՆ-ի, Կանադայի, Մեծ Բրիտանիայի, Գերմանիայի, Շվեյցարիայի, Նիդերլանդների և Հոնկոնգի օդանավակայանները։
Առևտրի կենտրոնների սխեմաներում նշված են ռեստորանները, զուգարանները, շարժասանդուղքները, վերելակները և այլն։ Բացի այդ, օգտատերերը կարող են օգտվել ըստ ապրանքատեսակի խանութների դասակարգման գործառույթից, ինչպես նաև իմանալ աշխատանքային ժամերն ու կարդալ խանութների մասին արձագանքներ։
