Ռումինիայում ձերբակալել են կնոջ, ով հրել է իր զոհին Բուխարեստի մետրոյի ռելսերի վրա և թույլ չի տվել նրան բարձրանալ։ Այս մասին հայտնում է Mirror-ը։
Դեպքը տեղի է ունեցել դեկտեմբերի 13-ին, Dristor 1 կայարանում։ Սկզբում դեպքը դիտարկվել է որպես ինքնասպանություն, սակայն այնուհետև քննությունը պարզել է, որ 25-ամյա կնոջը հարթակի եզրից ցած է գցել 36-ամյա տեղի բնակչուհին։ Երբ տուժածը փորձել է բարձրանալ, մարդասպանը նրան ևս մեկ հարված է հասցրել, որից հետո փախել։
Քննիչների տրամադրության տակ է հայտնվել տեսահսկման խցիկների տեսագրությունը։ Կադրերում երևում է, որ հանցագործ կինը սպանությունից մի քանի րոպե առաջ խոսել է հեռախոսով։
