Հոլիվուդյան դերասան Դասթին Հոֆմանին մեղադրել են իր դստեր 16-ամյա դասարացու հանդեպ սեռական ոտնձգությունների մեջ։ Այս մասին հայտնում է Variety պարբերականը։
Կորի Թոմաս անունով կինը հայտարարել է, որ 1980 թվականին դերասանի դստեր՝ Կարինայի հետ հայտնվել է դերասանի հյուրանոցային համարում։ Կարինայի հեռանալուց հետո Թոմասը մնացել է Հոֆմանի հետ առանձին։
Այդ ժամանակ դերասանը, դուրս գալով լոգասենյակից՝ ցուցադրել է իր մարմնի ստորին հատվածը։ Նա խնդրել է աղջկա իրեն մերսել և անպատշաճ արտահայտություններ է արել։
Հրապարակումն անդրադառնում է ևս երկու կնոջ, ովքեր մեղադրել են Հոֆմանին սեռական բնույթի բռնի գործողությունների մեջ։ Նրանք երկուսն էլ ոչ հայտնի դերասանուհիներ են, որոնցից մեկի անունը հայտնի է՝ Մելիսա Քեսթեր։ Վերջինիս հանդեպ ոտնձգությունները կատարվել են երգ ձայնագրման ժամանակ՝ ստուդիայում, մյուսի հանդեպ՝ ավտոմեքենայում։
Հոֆմանի ներկայացուցիչը բոլոր մեղադրանքները զրպարտություն է անվանել։
