«Սարդարապատ» շարժման նախաձեռնող խմբի ղեկավար Ժիրայր Սեֆիլյանը ՀԱԿ – իշխանություն երկխոսությունը խիստ վնասակար գործընթաց է համարում։ «Երկխոսության պատճառով այսօր մեր ժողովրդի մոտ հուսալքության մեծ ալիք է բարձրացել և շարունակելու է բարձրանալ, եթե շարունակվի այդ գործընթացը, քանի որ ժողովրդի մի զգալի մասը այս գործընթացը համարում է ընդդիմության պայքարից հրաժարվելու որոշում»,- լրագրողների հետ հանդիպման ժամանակ ասաց Սեֆիլյանը:
Ըստ նրա՝ այսօր տեղի ունեցող ներքաղաքական գործընթացների սցենարի հեղինակը Սերժ Սարգսյանն է, և այն, ինչ տեղի է ունենում, բեմադրված է հենց Սերժ Սարգսյանի կողմից ու նպատակ ունի վարկաբեկել Լևոն Տեր-Պետրոսյանին, նրա ձևավորած շարժումն ու կառույցը: