Բրիտանացի դերասանուհի Ջուդի Դենչը ցուցադրել է իր անտառը, որտեղ նա ծառեր է տնկում՝ ի հիշատակ իր հանգուցյալ հարազատների ու ընկերների։ Նա կորցրել էր ամուսնուն՝ դերասան Մայքլ Ուիլյամսին 2001 թվականին։ Այդ ժամանակվանից էլ նա սկսել է միայնակ զբաղվել իրենց երկուսի համատեղ հոբբիով՝ բրիտանական Սուրեյ կոմսությունում իրենց փոքրիկ անտառի խնամքով, գրում է Daily Mail-ը։
Ամուսնու մահից հետո նրան այդ ոչ դյուրին գործում օգնում է վայրի բնության սիրահար Դևիդ Միլսը։ Նրանք միասին տնկում են ծառեր՝ ի հիշատակ այն մարդկանց, ովքեր գնացել են այլ աշխարհ, սակայն շարունակում են ապրել Ջուդիի սրտում։
Նրա փոքրիկ անտառում կան ծառեր 2009 թվականին մահացած Նատաշա Ռիչարդսոնի, «Հարի Փոթերի» դերասան, 2017 թվականին մահացած Ռոբերտ Հարդիի անուններով։
Բոնդիանայի 82-ամյա հերոսուհին վաղուց է տարված դենդրոլոգիայով և նույնիսկ մտածում է այդ թեմայով դասախոսություններ կարդալ սկսելու մասին։