Հիվանդանոցից ոստիկանության Սևանի բաժնում դեկտեմբերի 12-ին հաղորդում է ստացվել, որ «սուր էկզոգեն շմոլ գազի թունավորում» ախտորոշմամբ իրենց մոտ են տեղափոխվել 1989 թվականին ծնված Հասմիկ Գ.-ն, 2007 թվականին ծնված Գոհար Գ.-ն, 1972 թվականին ծնված Մարինե Գ.-ն և 2002 թվականին ծնված Գուրգեն Մ.-ն:
Ինչպես տեղեկացրին ՀՀ ոստիկանության հասարակայնության հետ կապի և լրատվության ծառայությունից, մեկնած օպերատիվ խումբը պարզել է, որ նրանք թունավորվել են նույն օրը, ժամը 21.30-ի սահմաններում, Սևան քաղաքի Նալբանդյան փողոցի 33 շենքի բնակարաններից մեկի խոհանոցում տեղադրված գազի ջրատաքացուցիչից արտանետված շմոլ գազի հետևանքով:
Նշանակվել է դատաբժշկական փորձաքննություն:
Նախապատրաստվում են նյութեր: