Վայրի բնության լուսանկարիչ Յան Վուդը որոշել է հետևել օրանգուտանների կյանքին, որոնք ապրում են Բորնեո կղզում։ Դրա համար նա Go-pro տեսախցիկն ամրացրել է ծառին, իսկ հետո իրադարձությունների զարգացմանը հետևել բջջայինով։
Վուդը նկատել է, որ կապիկներից մեկը շարժվում է ծառի ուղղությամբ, հետաքրքրությամբ նայում տեսախցիկին, իսկ հետո սկսում սեղմել կոճակը։
3 տարեկան օրանգուտանն այդպիսով կես ժամում մոտ 100 սելֆի է արել։
Այնուհետև կենդանին փորձել է համտեսել տեսախցիկը՝ վնասելով էկրանը։ Օրանգուտանը տեսախցիկի հետ խաղացել է մոտ 30 րոպե, այնուհետև ցած գցել ծառից։