ԵՄ դիվանագիտության ղեկավար Ֆեդերիկա Մոգերինին վստահություն է արտահայտել, որ ԱՄՆ-ը կշարունակի իրագործել իրանական միջուկային խնդրի կարգավորման Գործողությունների համատեղ համապարփակ պլանը, հայտնում է RIA Novosti-ն։
«Ես վստահ եմ, որ ԱՄՆ-ը կշարունակի պահպանել պլանի լիարժեք իրագործումը։ Մենք քննարկել ենք դա պետքարտուղար Թիլեսոնի հետ Բրյուսելում, մենք նրանից լսել են այդ ազդանշանը»,-ասել է Մոգերինին՝ ելույթ ունենալով Ստրասբուրգում Եվրախորհրդարանի լիագումար նիստում։
Նրա խոսքով՝ Իրանի հետ պայմանավորվածությունները չեն նշանակում անվերապահ վստահություն իրանական իշխանություններին։
Մեկնաբանելով այդ պայմանավորվածությունների անհրաժեշտության հարցում առաջ եկած կասկածները՝ ԵՄ դիվանագիտության ղեկավարը հայտարարել է. «Հաջողություն Հյուսիսաին Կորեայի հետ գործերում։ Եթե մենք խզենք միջուկային չտարածման ոլորտում միակ գործող պայմանավորվածությունը, ապա հետաքրքիր է, ինչպե՞ս մեզ կհաջողվի խաղաղ կարգավորել միջուկային տարածմանն առնչվող առկա ճգնաժամը»։