National Geographic պարբերականի աշխատակիցները կազմել են 2018 թվականին ուղևորությունների համար ամենահետաքրքիր վայրերի ցուցակը։ Վարկանիշի առաջին տեղում եթովպական Հարար քաղաքն է, որտեղ գտնվում են 82 մզկիթներ և որտեղ վաճառվում է երկրի լավագույն գարեջուրը։ Զբոսաշրջիկներին կարող է գրավել այն փաստը, որ գիշերային քաղաքը լցվում է բորենիներով։
Երկրորդ տեղում Ժուժույն է (Արգենտինա)։ Դրա գլխավոր տեսարժան վայրը հանդիսանում է Կեբրադա-դե-Ումաուակա հովիտը, որը մտնում է ՅՈՒՆԵՍԿՕ-ի համաշխարհային ժառանգության օբյեկտների թվում։ Այնտեղ առաջին ցեղերը բնակություն են հաստատել մեր թվարկությունից դեռևս 9000 տարի առաջ։
Վարկանիշի երրորդ հորիզոնականը բաժին է ընկել Թբիլիսիին։ Քաղաքում այցելուները կզարմանան ճարտարապետական ոճերի առատությամբ, կհամտեսեն խինկալի։
Վարկանիշի հնգյակը եզրափակում են ավստրալական Սիդնեյն ու մեքսիկական Օահակա քաղաքը։