Իրանի արևելքում՝ Կերման քաղաքից 59 կմ հեռավորության վրա, գրանցվել է 6.1 մագնիտուդով երկրաշարժ։ Այս մասին հայտնում է Եվրոպական միջերկրածովյան սեյսմոլոգիական կենտրոնը (EMSC)։
Երկրաշարժի օջախը գտնվել է 10 կմ խորության վրա։ Զոհերի և ավերածությունների մասին տեղեկություններ դեռևս չկան։
Նոյեմբերին Իրանը ցնցած երկրաշարժի զոհն էր դարձել ավելի քան 400 մարդ։ Ստորգետնյա ցնցումները զգացվել էին Կերմանշահ քաղաքից 104 կմ արևմուտք։ 6.5-7.5 մագնիտուդով երկրաշարժի օջախը գտնվել էր 10 կմ խորության վրա։