ԱՄՆ նախագահ Դոնալդ Թրամփը երեքշաբթի ստորագրել է երկրի 2018 թ. պաշտպանության նախարարության գործունեության ուղղութունների և ֆինանսավորման մասին օրենքը: Այս մասին հայտնում է Սպիտակ տան մամլո ծառայությունը:
Ավելի վաղ փաստաթղթին կողմ են արտահայտվել ԱՄՆ Կոնգրեսի երկու պալատները:
Տեքստի համաձայն՝ Պենտագոնի բյուջեն հաջորդ տարվա համար կկազմի 700 մլրդ դոլար: Ավելի վաղ Կոնգրեսում նշել են, որ օրենքն ուղղված է զինծառայողների նպաստի բարձրացմանը և բոլոր տեսակի զորքերում անձնակազմի ավելացմանը: Բացի դրանից՝ 4,4 մլրդ դոլար կուղղվի հակահրթիռային պաշտպանությանը, երկրի արևմուտքում Հյուսիսային Կորեայի կողմից սպառնալիքից պաշտպանության համար լրացուցիչ հրթիռների տեղակայմանը:
Բյուջեում 4,6 մլրդ դոլար հատկացվել է «Եվրոպայում զսպման նախաձեռնության» իրագործմանը ՆԱՏՕ-ի դաշնակիցների վստայությունն ամրապնդելու և Եվրոպայում ԱՄՆ ռազմական ներուժն ուժեղացնելու նպատակով: Այդ գումարից 100 մլն դոլար կարող է ծախսվել մերձբալթյան պետությունների պաշտպանունակության բարձացման համար: Պետքարտուղարին և պաշտպանության նախարարին թույլատրվում է 350 մլն ծախսել Ուկրաինային ռազմական օգնություն ցուցաբերելու, ներառյալ՝ պաշտպանական զենքի մատակարարման վրա:
Կոնգրեսում Պենտագոնից պահանջել են զեկույց «աելի քան 1 մլն դոլար արժողությամբ ռազմական տեխնիկայի և տեխնոլոգիաների» նշումով, որոնք ՌԴ-ն մատակարարել է արևմտաբալկանյան պետություններին 2012 թվականից: