«Աշխարհը սպասում է, որ մենք կսկսենք գործել»,-հայտարարել է Գերմանիայի կանցլեր Անգեկա Մերկելը կոալիցիայի ստեղծման վերաբերյալ սոցիալ-դեմոկրատների հետ խորհրդակցությունների մեկնարկից առաջ։ Եվրոպային անհրաժեշտ է Գերմանիայում կայուն կառավարություն, կարծում է նա։ Գերմանիայի կանցլերը կողմ է հանդես եկել «մեծ կոալիցիայի» հնարավոր ստեղծման մասին խորհրդակցություններում շուտափույթ առաջխաղացմանը, որոնք պետք է սկսվեն դեկտեմբերի 12-ին։ Կոալիցիայի ստեղծման շուրջ շուտափույթ և հաջող բանակցությունները նա անվանել է «պատմական անհրաժեշտություն»։
Կանցլերը կարծում է, որ Քրիստոնեա-դեմոկրատական միությունն ու Սոցիալ-դեմոկրատական կուսակցությունը շատ ընդհանուր բաներ ունեն հարցում, որն առնչվում է Գերմանիայի եվրոպական քաղաքականության տեսլականին։ Գերմանիայում կայուն կառավարությունը հանդիսանում է այն հիմքը, որի վրա հնարավոր է Ֆրանսիայի հետ աշխատել Եվրոպայի ապագայի ուղղությամբ, կարծում է Մերկելը։
