Եվրոպայի երկրները չպետք է կրկնեն անցյալի սխալներն ու կուրորեն հետևեն ԱՄՆ նախագահ Դոնալդ Թրամփի վարչակազմի կուրսին միջուկային գործարքի և Մերձավոր Արևելքում իրադրության կարգավորման հարցերում։ Նման նախազգուշացմամբ է հանդես եկել Իրանի արտգործնախարար Մուհամմադ Ջավադ Զարիֆը հոդվածում, որը հրապարակվել է The New York Times-ը։
«ԱՄՆ-ի անհուսալիությունն այնպիսի հարցերում, ինչպիսիք են կլիմայի գլոբալ տաքացումն ու Պաղեստինը, կանխատեսելի է դառնում։ Ելնելով լուրջ անհանգստությունից՝ մենք նախազգուշացում ենք անում եվրոպական երկրներին ընդդեմ անվճռականության դրսևորման այնպիսի հարցերում, ինչպիսին միջուկային գործարքն է, ընդդեմ Սպիտակ տան օրինակով գործողությունների։ Մինչդեռ միջուկային գործարքն ու իրավիճակը Մերձավոր Արևելքում մտնում են անհայտ և պոտենցիալ վտանգավոր փուլ, չափազանց կարևոր է, որպեսզի Եվրոպան օգնի մեզ բոլորիս չկրկնելու պատմության սխալները»,-նշել է արտգործնախարարը՝ անվանելով Գործողությունների համապարփակ համատեղ պլանը «դիմակայության նկատմամբ դիվանագիտության հազվագյուտ հաղթանակի օրինակ»։
